Kënaqësia e përdorimit të një iPhone 15 Pro vazhdon të bjerë pasi klientët kalojnë më shumë kohë duke përdorur smartphone-t e serisë 15. Nga të gjitha modelet e reja, pronarët e modelit Pro 6.1 inç janë më të pakënaqurit me blerjen e tyre.
Të dhënat u zbuluan nga PerfectTrec, dhe janë një vazhdim i një sondazhi tjetër të publikuar tetorin e kaluar. Që atëherë, kënaqësia e përdorimit të këtij modeli u ul nga 73.5% në 66%, duke e bërë atë modelin më pak të vlerësuar nga seria iPhone 15 dhe iPhone Pro me vlerësimin më të keq ndonjëherë.
Mbinxehja fillestare e të gjithë serisë iPhone 15, jo vetëm modelit Pro ishte problemi kryesor gjatë tetorit e kaluar. Tani duket se Apple e ka zgjidhur këtë problem, pasi vlerësimet negative për këtë temë ranë nga 14.5% në tetor në 1% në janar. Fatkeqësisht, klientët e iPhone 15 Pro vazhdojnë të ankohen për jetëgjatësinë e dobët të baterisë, përmirësimet e vogla nga iPhone 14 Pro dhe modelet më të vjetra, dhe dizajnin e tij fizik me lente më të dala, që bëjnë që telefoni të lëkundet kur vendoset në tavolinë.
Ky është vlerësimi nga përdoruesit për serinë e re të iPhone-ve në janar të vitit 2024:
- iPhone 15: 78.1%
- 15 Plus: 73.5%
- 15 Pro: 66,1%
- 15 Pro Max: 72,5%
Article by: Xhonald Mamo
