Clicks Technology ka prezantuar Clicks creator keyboard për iPhone. Është një produkt për të gjithë përdoruesit që janë nostalgjikë për kohët e vjetra ku BlackBerry ishte pajisja më e preferuar, dhe ku shtypja e butonave fizikë ishte në kulmin e tij.
“Ne përdorim tastierë në desktopët tanë, laptopët dhe tabletët tanë çdo ditë – kështu që është diçka e çuditshme që kemi braktisur butonat fizikë në smartphone”, tha Michael Fisher, bashkëthemelues i Clicks Technology. Tastiera reale sjell për të gjithë përdoruesit ndjesinë e pazëvëndësueshme të prekjes dhe shtypjes së butonave fizikë. Një tjetër avantazh kur përdorni këtë pajisje është se hapësira e disponueshme në ekran dyfishohet, dhe ju mund të shikoni përmbajtjet apo gabimet e shpejtësisë shumë herë më mirë.
Shortcuts janë një tjetër “risi” që vjen me Clicks Technology. Përdoruesit e iPhone tani mund të përdorin shortcuts si CMD + H për të lundruar në home screen ose CMD + Space për të nisur një kërkim.
Clicks lidhet drejtpërdrejt me iPhone përmes Lightning ose USB-C, duke injoruar plotësisht botën me valë në të cilën kalojmë pjesën më të madhe të jetës sonë. Për një çmimin prej $139, ju mund ta bëni tuajën këtë teknologji klasike. Kompania ka nisur të marrë porosi dhe thotë se do të nisë dërgimin e produkteve më 1 shkurt.
Pra, nëse po kërkoni një prekje të nostalgjisë dhe një stimulim fizik, Clicks creator keyboard mund të jetë produkti i duhur për ju.
