Apple prezantoi iOS 18 në WWDC 2024, duke sjellë me vete një sërë veçorish të reja si Control Center e re, më shumë personalizime të home screen dhe Apple Intelligence.
Siç pritej, një beta e versionit të ardhshëm të iOS 18 për iPhone tani është në dispozicion për t’u shkarkuar. Dhe pse Apple e quan këtë version të iOS “Developer Beta”, pasi është krijuar që zhvilluesit të sigurohen që aplikacionet e tyre të funksionojnë me softuerin më të fundit, Apple nuk e bën të vështirë për shumicën e njerëzve shkarkimin dhe instalimin.
Përsëri, ka një theks në pjesën “zhvilluesi“, pasi këto lëshime zakonisht janë larg publikimit përfundimtar dhe nuk janë vërtet gati që përdoruesit të fillojnë ta përdorin çdo ditë në iPhone-in e tyre personal, por në një pajisje të veçantë ose testuese. Pra, nëse po mendoni të instaloni versionin beta të zhvilluesit iOS 18, do t’ju tregojmë me një sërë arsyesh pse mund të dëshironi të mendoni dy herë dhe të prisni beta-n publike në korrik.
Mund të duhet pak kohë që të eliminohen të gjitha defektet nga softueri i ri përpara se ai të jetë gati për përdorim të gjërë, dhe që tani deri në lëshimin përfundimtar, Apple do të përditësojë në mënyrë graduale programin iOS 18 beta për ta bërë atë përvojën solide që prisni të jetë.
Versioni paraprak për zhvilluesit që po mendoni të instaloni tani nuk është i duhuri për pajisjen tuaj personale. Versionet beta të zhvilluesve zakonisht shoqërohen me probleme dhe parregullsi të tjera që e bëjnë eksperiencën e të përdorurit të smartphone-it më të vështirë.
Nëse dëshironi të instaloni pamjen paraprake të Zhvilluesit të iOS 18, ju këshillojmë të sigurohuni që së pari të bëni një kopje rezervë të plotë të pajisjes. Nëse nuk e bëni këtë, mënyra e vetme për t’u rikthyer në iOS 17 është të bëni reset iPhone-in tuaj si një pajisje të re, gjë që mund të rezultojë në humbjen e të dhënave, cilësimeve dhe informacioneve të tjera të rëndësishme me të cilat mund të mos keni dëshirë të ndaheni.
