Honor ka konfirmuar se projekti i tij më ambicioz, Honor Robot Phone, jo vetëm që ekziston si prototip, por pritet të hyjë në prodhim masiv në gjysmën e parë të vitit të ardhshëm. Ky informacion vjen nga leaker-i i njohur në Weibo, SmartPikachu, i cili thotë se telefoni futuristik nuk është vetëm koncept për panaire, por një pajisje reale që Honor synon ta shesë. Ende nuk dihet nëse prezantimi do të jetë global apo i kufizuar në Kinë, por kompania e ka seriozisht, me prezantimin e madh zyrtar të planifikuar për MWC 2026 në mars.
Honor Robot Phone është bërë i njohur falë një teaser-i që tregonte një kamerë me gimbal, si ato të DJI Osmo Pocket, që ngrihet nga pjesa e pasme e telefonit dhe transformohet në një “kokë roboti”. Kjo kamerë e lëvizshme i jep telefonit një estetikë krejtësisht unike dhe e bën të duket si një robot i vogël personal. Pamjet demonstrojnë përdorime praktike: mund të vendoset në xhep këmishës për vlogje të shpejta, ose të montohet në biçikletë dhe makinë për të dokumentuar aventura.
Por dizajni nuk është i vetmi përmirësim, Honor po integron AI të avancuar, përfshirë modele të njohjes së imazhit me aftësinë për të identifikuar emocione. Kamera që rrotullohet dhe ndjek subjektet i jep pajisjes një ndjesi “robotike” shumë më të afërt me atë që shohim në filma krahasuar me ndërveprimet tradicionale me AI në telefonat e sotëm.
Megjithëse prakticiteti i këtij mekanizmi mbetet i diskutueshëm, sidomos pasi është shumë më kompleks sesa kamerat pop-up që kemi parë më parë, pajisja shihet si një hap i freskët dhe i guximshëm drejt inovacionit në dizajnin e smartfonëve.
Honor pritet ta prezantojë Robot Phone në gusht 2026, megjithëse kjo datë nuk është ende zyrtare. Entuziazmi rreth pajisjes është i lartë, pasi përfaqëson një qasje të re dhe tejet kreative në teknologjinë mobile.
