Sipas një raportimi nga Bloomberg tregohet se Apple është duke u përgatitur të përfshijë akoma më tepër reklama në aplikacionet e krijuara nga vetë kompania që përfshihen në iPhone, në një përpjekje për të rritur fitimet e kompanisë.
Apple aktualisht gjeneron rreth $4 miliardë në vit nga biznesi i reklamave, por me sa duket kompania dëshrion që fitimet të kapin vlerat dyshifrore. Ne mund të shikojmë që tani disa reklama në aplikacione si Apple News apo Stocks. Gjithashtu u lajmëruar se reklamat do të vijnë së shpejti dhe në App Store.
Bloomberg tregon se kompania po planifikon të përfshijë reklamat në aplikacione të tjera si Apple Maps. Kjo ishte një ndër veçoritë që e dallonte deri më tani aplikacionin nga Google Maps. Për të rritur përfitimet, reklamat mund të përfshihen dhe në Podcasts apo Books.
Kjo lëvizje e Apple vjen pas një strategjie mjaft të dëmshme për Facebook dhe aplikacionet e tjera të cilat i bazojnë fitimet e tyre në reklamat, siç ishte prezantimi i shërbimit “Ask App not to Track”.
Në mbledhjet më të fundit të kompanisë, CEO Tim Cook dhe CFO Luca Maestri thanë se biznesi i reklamave të kompanisë u përball me disa sfida gjatë pandemisë, dhe tashmë analistët kanë vënë re se stafi në këtë sektor ka nisur të zgjerohet dita-ditës.
