Edhe pse disa njerëz janë të shqetësuar se telefonat e tyre po spiunohen nga vetë Agjencia e Sigurisë Kombëtare (NSA) në SHBA, NSA ka disa këshilla të mençura për përdoruesit e iPhone dhe Android që të mbrohen nga sulmet kibernetike: të fikin dhe ndezin pajisjen e tyre çdo javë.
Sa shpesh ju ndodh të fikni smartphone-in tuaj dhe ta rindizni atë? Me shumë mundësi kjo gjë ndodh vetëm kur përditësoni sistemin tuaj operativ pasi është e detyrueshme. Ky, sipas NSA-së, mund të jetë një gabim i madh.
Në një dokument që përshkruan praktikat më të mira për pajisjet celulare, NSA rekomandon përdoruesit t’i fikin pajisjet e tyre dhe pastaj t’i rindezin një herë në javë për t’u mbrojtur nga zero-click exploits, të cilat përdoren shpesh për të përgjuar dhe mbledhur të dhëna nga telefonat.
Përdoruesit mund të zbusin kërcënimin e spear-phishing, i cili mund të çojë në instalimin e akoma më shumë malware dhe spyware, me të njëjtin veprim të thjeshtë. “Kërcënimet ndaj pajisjeve celulare janë më të përhapura dhe në rritje në shtrirje dhe kompleksitet”, tha NSA ndërsa paralajmëroi se disa veçori të smartphone-ve “sigurojnë komoditet dhe aftësi, por sakrifikojnë sigurinë”.
Ndonëse këshilla e përgjithshme është e mirë, fikja dhe ndezja përsëri nuk do t’ju ndihmojë kundër shumë prej kërcënimeve më të avancuara malware dhe spyware që janë programuar të riaktivizohen gjatë rindezjes.
