Teksa Kina vazhdon me fanatizëm të ketë versionet e saja të çdo teknologjie globale, krejt natyrshëm edhe platformat duhet të jenë të personalizuara.
Ndoshta nuk e dije por PUBG në Kinë quhet Game of Peace. Ekzistojnë disa ndryshime midis të dyjave por zakonisht çfarë prezantohet tek versioni kinez shumë shpejtë e gjen rrugën edhe tek versioni global.
Dhe këtu konsiston në fakt edhe lajmi; Erangel 2.0, një ripunim Erangel-it të dashuruar nga fansat, është integruar në PUBG kinez.
Një video e shpërndarë nga Mr. Ghost Gaming tregon hartën e re si dhe përmirësime në grafikë, zona të reja, ndërtesa të rimenduara, reflektimi në ujë etj.
Sa i përket grafikave gjithçka duket më mirë tek ky version. Qielli, uji, bimët janë më realiste.
Disa ndërtesa kanë bodrume, Nuclear Plant, the Mine, dhe Prison kanë një planifikim ndryshe. Shtesa në botën e lojës janë tanqet e braktisura, kufoma kuajsh, bunkerë dhe llogore.
Payload Mode 2.0 do të sjellë objekte të reja si terminal kontrolli për dronët, radar ushtari individual dhe veshje kundër shpërthimeve. Automjetet UAZ, Dacia dhe Buggy do të jenë të armatosura.
Armët e reja përfshijnë edhe artilierinë e rëndë si 4 raketa-hedhësin M202 dhe predhën lazer-gjurmuese AT4-A.
Këto dhe detaje të tjera të përmirësuara priten në versionin e ri të PUBG. Fatkeqësisht për momentin mbetet e paqartë se kur mund të vijnë në versionin global.
