Insomniac Games e Sony u godit nga një vjedhje masive e të dhënave, me hakerët që kërcënuan se do të lëshonin sasi të pallogaritshme të të dhënave nëse nuk merrnin një shpërblim.
Dokumenti më i shikuar midis të dhënave të shumta që janë bërë leak është një prezantim i brendshëm që zbulon jo vetëm që Sony po planifikon të rrisë çmimet e lojërave përsëri nga $70 në $80-$100, por gjithashtu po planifikon të prezantojë lojën e ardhshme Spider-Man në tre pjesë, për $50 secila.
Dhe pse lojrat më të mira në treg kanë rritur çmimet e tyre e tyre në një standard të ri prej $70, Sony po planifikon të lëshojë Spider-Man 3 në tre pjesë, dy pjesë për lojën kryesore dhe me multiplayer veçmas, për një total prej $150.
Dhe pse informacionet e vjedhura janë rreth 1.76 TB të dhëna konfidenciale dhe kryesisht lidhen vetëm me titujt e vetë Insomniac, ajo jep një pasqyrë të planeve të mundshme që Sony ka për të gjithë rrugëtimin e PlayStation. Hakerët kërkuan një shpërblim prej $2 milionë dhe Insomniac Games refuzuan ta paguanin atë, kështu që të gjitha të dhënat e tyre u zbuluan në publik.
Rrjedhja përfshinte gjithashtu materiale shumë të hershme nga loja e tyre e re Wolverine, e cila tani e dimë se është planifikuar si pjesë e një trilogjie të lojërave X-Men, së bashku me planet për një lojë të re Ratchet & Clank dhe Spider-Man 3 të lartpërmendur. Rritja e planifikuar e çmimeve për lojërat thuhet se nuk do të ndodhë deri në vitin 2027, pasi ata parashikojnë se atëherë do të ketë kosto edhe më të shtrenjta të zhvillimit dhe prodhimit.
