Viti 2023 ishte një vit mjaft interesant për PlayStation. Kompania ka kaluar momente shumë të mira si lançimi i PS5 Slim dhe PS Portal, por ka përjetuar dhe momente të këqija si anullimi i disa projekteve të rëndësishme apo vjedhja e të dhënave në mënyrë masive.
Megjithatë në këtë artikull ne do të fokusohemi në lojrat më të mira ekskluzive të publikuara në vitin 2023 nga PlayStation.
Spider-Man 2
Zhvilluesit në Insomniac nuk kishin një punë shumë të vështirë kësaj here, pasi u bazuan në një lojë mjaft të realizuar si Spider-Man origjinal. Vazhdimi ka disa ide të reja – duke përfshirë krahët prej rrjete që ju lejojnë të qëndroni pezull nëpër qytetin e Nju Jorkut, më shumë personazhe negativë për të luftuar, një qytet shumë më i madh për t’u eksploruar dhe – duke qenë se luani si Miles Morales dhe Peter Parker – dy personazhe të ndryshëm për të kontrolluar.
Forspoken
Teknologjia e lëvizjes parkour, sistemi magjik, grafikat dhe historia e bëjnë këtë lojë një shpenzim kohe mjaft argëtues. Frey është gjithashtu një risi si një protagoniste femër e zezë. Performanca e Ella Balinska e sjell atë në jetë me një dhunti që nuk lexohet si e frikshme, por autentike. Megjithatë disa nga fansat e kësaj loje mund të prisnin më tepër në drejtim të eksplorimit në botën e hapur.
Forspoken është prova që një lojë nuk duhet të jetë e përsosur për të qenë e këndshme, veçanërisht pasi është një nga lojërat e rralla që në fakt guxoi të bënte diçka ndryshe.
God of War Ragnarök: Valhalla
Dhe pse God of War Ragnarök: Valhalla u publikua vetëm disa ditë më parë dhe është një pretendent mjaft i fortë për të merituar përfshirjen në listën e lojrave më të mira të këtij viti. Gjatë The Game Awards, Sony Santa Monica i befasoi fansat e God of War me lajmin se do të lëshonte DLC falas për God of War Ragnarok në vetëm pak ditë.
Kratos do të duhet të mbështetet në të gjitha aftësitë dhe armët e tij ndërsa udhëton nëpër arena luftarake, duke u përballur me armiq të njohur dhe të rinj. Si me të gjitha gjërat në lidhje me këtë epokë të re të God of War, është historia ajo që është pjesa më bindëse e lojës. DLC-ja është një seancë terapie 10-orëshe, ose më pak në varësi të aftësive tuaja.
Baldur’s Gate 3
Kjo lojë është një ndër më argëtueset, si për konsola dhe për PC. Mundësitë e pafundme gjatë luajtjes së kësaj loje e bëjnë atë shumë interesante. Ka persona të cilët kanë shpenzuar shumë orë duke luajtur këtë lojë, dhe kanë ende disa side quests që akoma nuk i kanë përfunduar. Ajo që loja ofron për sa i përket historisë dhe personazheve i bën të gjitha orët e shpenzuara plot “stres” t’ia vlejnë.
Final Fantasy XVI
Sigurisht që të gjithë lojtarët e kanë të ngulitur në mendjen e tyre skenën e dyluftimit me Bahamut. Eksperienca e lojës përmirësohet shumë nga soundtrack i Masayoshi Soken që ju jep adrenalinën e nevojshme për të kryer lëvizje të shpejta.
Diablo IV
Diablo IV e bën kohën të kalojë shpejt me të gjitha kombinimet e ndryshme dhe shumë të detajuara me të cilat mund të ndërtoni një personazh i cili ka vetëm një qëllim: të shkatërrojë. Lojtarët nuk shqetësohet aspak për ndërtimin e personazhit më efikas, pasi secili kombinim ofron një aftësi të veçantë që kënaq përdoruesin. Diablo IV është ndër lojrat më të mira sepse çdo aspekt i atij lloji personalizimi është shpërblyes për lojtarin.
