Rockstar akoma nuk ka konfirmuar gjë por Grand Theft Auto VI është rrugës dhe për këtë jemi të gjithë të bindur. Ama data e daljes qenka akoma vite larg.
Sipas Jason Schreier nga Bloomberg loja është në hapat e para të zhvillimit. Kështu deklaroi ai në një post në twitter më 15 prill. 2 leaker Yan2295 dhe Tezfun2 kundërshtuan menjëherë duke deklaruar se loja është përfunduar të paktën në 60-70%.
Por, Schreier i cili ka një histori të gjatë si zbulues planesh për mjaft lojra të rëndësishme u përgjigj këtë të djelë me një tweet që na e theu zemrën të gjithëve:
“Më vjen keq plak, ashtu është. Jo çfarë fansat do të donin të dëgjonin, por ajo lojë është vite larg”
Një lojë si GTA VI kërkon shumë vite programim, të paktën 6 apo 7 vjet. Puna më e madhe ka të bëjë me krijimin e hartës, fizikën e botës, dhe modelimi i përgjithshëm. Dhe sipas zhurmave loja do të zhvillohet në Vice City ose Liberty City dhe ndoshta lokacione të tjera si vendet e amerikës së jugut Rio de Janeiro. Për të mos folur edhe për punën e fuqishme për tu përshtatur me PS5 apo Series X.
Rockstar iu deshën plot 8 vjet për të përfunduar Red Dead Redemption 2 e cila u publikua në 26 Tetor 2018 ndaj kompania nuk ka më shumë se 17 muaj që është fokusuar tek GTA e re. Kështuqë logjika na çon në të paktën 5 apo 6 vjet të tjera pritje.
7 vjet pas lançimit të GTA V dhe njerzit mezi presin për një titull të ri dhe është i kuptueshëm padurimi.
Por edhe vetë V po vazhdon të mbajë rekorde përdorimi me 33 milion lojtarë aktiv në gusht 2019 dhe 6 bilion dollarë fitime në prill 2018 ndaj ka pak arsye për të nxituar daljen e GTA 6.
