Hakeri i cili mbajti përgjegjësinë për publikimin e një numri të madh përmbajtjesh nga Grand Theft Auto 6 është tashmë nën hetim nga FBI. Besohet se i njejti person sulmoi gjithashtu para një jave aplikacionin e Uber.
“Ekzsitojnë raportime se gjatë fundjavës i njejti person sulmoi prodhuesin e video-lojrave Rockstar Games.” shkruan Uber në një postim në blog. “Ne po bashkëpunojmë me FBI dhe Department of Justice në këtë çështje dhe do të vazhdojmë të mbështesim përpjekjet e tyre.”
Uber tregon se ky person ka lidhje me grupin e hakerave të quajtur Lapsu$, i cili ka qenë tepër aktiv gjatë vitit të fundit, dhe ka cënuar gjithashtu sigurinë e kompanive të tjera teknologjike si Microsoft, Samsung dhe NVIDIA.
Ditën e djeshme Rockstar publikoi një deklaratë ku konfirmonte vjedhjen e të dhënave në lidhje me GTA VI, dhe shtoi se ishin tepër të zhgënjyer, por kjo gjë nuk do të sillte një vonesë në punën për këtë lojë.
Në mars të këtij viti, BBC News raportoi se një 16 vjeçar nga Oxford i njohur online si “White” apo “Breachbase” akuzohet se është një ndër liderët e grupit Lapsu$.
