Të dashuruar me idenë e një GTA-je futuristike, të gjithë ramë pre që me shikimin e parë të trailerit të Cyberpunk 2077. Eventi i shumë përfolur E3 2019 me pjesmarrjen e yllit Keanu Reeves na dha një pamje të parë të gameplayt, praninë e aktorit si personazh por edhe datën e lançimit e cila ishte vendosur për 17 shtator.
Themi ishte vendosur pasi në një lajmërim në Twitter, zhvilluesi CD Project Red, njofton se data është shtyrë për 19 nëntor.
Deklarata thotë se nga sot loja është e përfunduar teknikisht sa i përket kontentit dhe gameplay. Por loja përfundimtare është komplekse dhe shumë e madhe ndaj edhe duhet më shumë kohë për testet, balancimin e mekanikave të lojës si dhe shumë bugs.
An important development update pic.twitter.com/uFGrt9Tqpi
— Cyberpunk 2077 (@CyberpunkGame) June 18, 2020
Cyberpunk ka qenë në zhvillim që prej 2013. Data fillestare e lançimit ishte 16 prill por në janar u shty për 17 shtator. Versioni multiplayer i cili duhet të lançohej pak kohë më pas gjithashtu është shtyrë dhe mesa duket nuk do ta shohim deri pas 2021.
Ndërsa zhgënjimi shtohet tek fansat CD Project Red ka thënë se do të vazhdojë të na mbajë të informuar, ashtu si ka vepruar gjithë këto vite. Një mardhënie transparente është gjithmonë plus.
