Vjena e Austrisë është renditur sërish në krye të listës si qyteti më i mirë për të jetuar në nivel global, sipas një raporti nga Economist Intelligence Unit (EIU).
The Global Liveability Index 2023 ia atribuoi suksesin e Vjenës “kombinimit fitues” të stabilitetit, kulturës dhe argëtimit të mirë, infrastrukturës së besueshme, arsimit shembullor dhe shërbimeve shëndetësore.
Kopenhagen ruan gjithashtu pozicionin e saj si qyteti i dytë më i jetueshëm në botë, ndërsa qytetet australiane Sidnej dhe Melburni hynë në pesëshen e parë. “Rezultatet e këtyre qyteteve në kategorinë e kujdesit shëndetësor janë përmirësuar që nga viti i kaluar, kur ata ishin ende të prekur nga valët Covid që stresuan sistemet e tyre të kujdesit shëndetësor”, tha firma kërkimore.
Raporti vjetor vlerësoi 172 qytete në këto kategori që përcaktojnë qëndrueshmërinë: stabilitetin, kujdesin shëndetësor, kulturën dhe mjedisin, arsimin dhe infrastrukturën. Indeksi u rrit vitin e kaluar për të arritur një nivel më të lartë 15-vjeçar pasi bota u rikuperua nga pandemia, tha EIU. Rezultati mesatar i indeksit tani është 76.2 nga 100, nga 73.2 një vit më parë.
Këto janë 10 qytetet më të mira për të jetuar:
- Vjenë (Austri)
- Kopenhagen (Danimarkë)
- Melburn (Australi)
- Sidnej (Australi)
- Vankuver (Kanada)
- Zyrih (Zvicër)
- Calgary (Kanada)
- Gjenevë (Zvicër)
- Toronto (Kanada)
- Osaka (Japoni)
- Auckland (Zelanda e Re)
