Një studim nga Harvard Business School ka zbuluar se 81% e personave që kanë punuar në shtëpi për shkak të pandemisë nuk duan të rikthehen në zyra ose preferojnë një orar hibrid. Në këtë studim morën pjesë 1,500 persona, ku 27% e tyre shpresojnë të vazhdojnë të punojnë në këtë mënyrë për një kohë të pacaktuar, ndërsa 61% do të preferonin një miksim midis punimit në shtëpi dhe në zyrë sy ose tre ditë në javë. Vetëm 18% e personave të anketuar preferonin të riktheheshin në zyra full time, ku shumica prej tyre ishin persona të martuar.
“Ndërkohë që ne po përgatitemi për t’u rikthyer normalisht në zyra, shumica e punonjësve nuk e duan këtë. Ata kërkojnë fleksibilitet nga punonjësit e tyre për të krijuar një balancë të re shtëpi / punë, ndryshe nga normalja.” tha drejtuesi ekzekutiv i Harvard Business School nën një deklaratë.
Para se të rikthehen në zyrë, 51% e të anketuarve thanë se kërkojnë të jenë të vaksinuar, ndërkohë që 71% do të preferonin të prisnin deri sa i gjithë stafi të jetë vaksinuar. Më shumë se gjysma e personave në studim kërkojnë që në zyra të zbatohet masat e parandalimit të COVID-19 si ruajtja e distancës dhe mbajtja e maskës në ambientet e zyrave.
