INSTAT ka publikuar një raport të ri në lidhje me përdorimin e teknologjisë së informacionit dhe komunikimit në familjet shqiptare, në të cilën mund të gjejmë disa informacione mjaft interesante.
Nuk është më për t’u befasuar kur themi se 99.8% e personave të anketuar (grupmosha 16-74 vjeç) kanë përdorur telefonat inteligjentë për të aksesuar internetin. 28.2% e tyre treguan gjithashtu se e aksesojnë internetin dhe nga laptopi, 27.4% nga desktop dhe 19.1% nga tableti. Një përdorim i rëndësishëm dhe tepër i shprehur i internetit tek të gjitha grupmoshat është ai i kryerjes së thirrjeve zanore / me video, dhe ky fenomen është rritur me 0.2% krahasuar me vitin 2022 në 98.7%.
Gjatë kohëve të fundit shqiptarët po pëlqejnë gjithnjë e më shumë ta përdorin internetin për të blerë produkte online (38.5% e pjesëmarrësve të anketuar) , me fenomenin që vjen me një rritje të konsiderueshme prej 3.8% me vitin 2022.
Sigurisht siç mund ta mendonit, veshjet janë produktet më të preferuara për t’u blerë online, duke tejkaluar dhe shërbimin e dërgimit në shtëpi të ushqimeve nga restorantet apo fast food (43%).
88.8% e të anketuarve tregojnë se kanë blerë rroba/këpucë/aksesorë online përgjatë 12 muajve të fundit. Ishin femrat ato që gjatë vitit 2023 kanë kryer më shumë blerje online për “produkte të kujdesit personal, produkte shtëpiake apo suplemente/vitamina.
Preferencat e burrave janë shumë më ndryshe, pasi produktet në të cilat interesohen më tepër janë “pajisje elektronike për shtëpi dhe kompjuter/tabletë/celularë”. Për një analizë më të detajuar të INSTAT klikoni këtu.
