Qeveria kineze ka blerë disa aksione në kompanitë Alibaba, Tencent dhe disa kompania të tjera teknoogjike për të qenë më tepër e përfshirë në biznesin e tyre.
Këto aksione zakonisht përfshijnë 1% të aksioneve të njohura si “aksione speciale menaxhimi”, të cilat i japin drejtuesve të shtetit mundësinë për të marrë vendime të caktuara në këto kompani. Në këtë mënyrë Partia Komuniste e Kinës do të ketë një influencë më të madhe në sektorin e teknologjisë.
Në rastin e Alibaba, ishte rregullatori i internetit në Kinë që bleu një pjesë të aksioneve, ndërkohë që një tjetër organizatë nën drejtimin e fondit shtetëror të investimeve bleu 1% të aksioneve në filialin Guangzhou Lujiao Information Technology të Alibaba.
Kjo blerje u krye me qëllim kontrollimin e përmbajtjeve në shërbimin Youku të transmetimit të videove që ofrohet nga Alibaba si dhe browser-it UCWeb, siç tregohet nga raportimet.
Nga ana tjetër planet e qeverisë kineze për blerjen e aksioneve në Tencent janë ende në diskutim e sipër. Mirëpo Tencent kërkon që aksionet e kompanisë të blihen nga një agjenci e qeverisë që gjendet në provincën e Shenzen, në vend të një agjencie në Pekin.
Kontrolli i qeverisë kineze duket se ka prekur dhe TikTok, pasi e njejta agjenci bleu 1% të aksioneve në një filial të ByteDance, të quajtur Bejing ByteDance Technology.
