Salone del Mobile Milano 2025 vjen këtë vit me edicionin e 63-të nga 8 deri më 13 Prill për të prezantuar përvoja të reja dhe inovative, si dhe një program të pasur kulturor.
Ngjarja do të përfshijë seminare, biseda, tryeza të rrumbullakëta dhe instalacione në vendndodhje specifike, duke përfshirë figura kryesore në botën e dizajnit për të ofruar perspektiva novatore dhe stimuluese. Një tipar i ri i këtij edicioni është debutimi i “Forumit Ndërkombëtar të Ndriçimit Euroluce“, kushtuar temave të dizajnit të ndriçimit. Ky forum paraqet një mundësi për të eksploruar rëndësinë e dritës në dizajn dhe qëndrueshmëri mjedisore.
3 instalacionet në vendndodhje specifike do të vijnë nga Pierre-Yves Rochon (i cili do të prezantojë projektin “Villa Heritage”), Paolo Sorrentino (me projektin “La Dolce Casa”) si dhe Robert Wilson (me projektin “Mother”), dhe informacione më të detajuara rreth tyre mund t’i gjeni këtu.
Rikthehet programi Talk e Tavole Rotonde
Për të tretin vit radhazi, Formafantasma Arena do të presë Drafting Futures. Gjatë këtyre 5 ditëve do të zhvillohet Talk e Tavole Rotonde ku do të marrin pjesë persona të njohur si Lesley Lokko. Bisedat rreth Perspektivave të ardhshme dhe Forumi Ndërkombëtar i Ndriçimit Euroluce i shpërblen pjesëmarrësit me kredite të njohura nga Ordine Nazionale degli Architetti (CNAPPC). Për vitin e dytë, Arena Drafting Futures do të presë projektin Salone Library: një përzgjedhje librash të sugjeruar nga vetë folësit që do të fokusohen te drita.
I pranishëm gjithashtu do të jetë Bookshop Corraini Mobile, që do të ofrojë dhe këtë vit mundësinë e zbulimit të më tepër se 110 botuesish në mbarë botën.
Design Kiosk
Pas suksesit të vitit të kaluar, përsëri në Piazza della Scala, nga 1 deri më 13 prill rikthehet Design Kiosk, posta kulturore e Salone del Mobile në qytet, e cila do të presë gjithashtu mysafirë të profilit të lartë këtë vit. Hapësira është krijuar në bazë të një projekti të DWA-Design Studio dhe i është besuar Corraini Edizioni.
