Macaulay Culkin do të njihet gjithmonë për rolin e tij në filmin Home Alone, i cili i siguron të ardhura dhe në ditët e sotme pas më shumë se 30 vitesh. Kësaj here është Google që ka kërkuar ndihmën e tij në promovimin e teknologjisë së shtëpisë inteligjente duke përdorur Google Assistant.
Filmi flet për historinë e personazhit të luajtur nga Culkin që është tetë vjeç dhe pjesë e një familjeje të madhe që aksidentalisht e lë vetëm në shtëpi ndërsa ata nisen për në Paris për të festuar Krishtlindjet. Vonesat e fluturimeve dhe moti i keq pengojnë prindërit që të kthehen në shtëpi tek fëmija për disa ditë. Culkin duhet të menaxhojë vetë një epokë para-smartphone, para-web dhe të shmangë hajdutët që përpiqen të grabisin shtëpinë e familjes së tij.
Në film, personazhi kryesor rezulton të jetë një 8-vjeçar shumë i shkathët me një aftësi për të krijuar rrengje me sendet shtëpiake dhe të ngre kurthe për hajdutët. Rezulton se gjithçka do të ishte më e lehtë me përdorimin e pajisjeve Google Home të vendosura në të gjithë shtëpinë. Ai nuk e takon më djalin e dërgesës së picave në derë, por në vend të kësaj i flet duke përdorur një Google Home Hub të lidhur me një kamerë të ziles së derës Nest.
Një Google Home Mini përdoret për të lëvizur disa prerje kartoni që bëjnë të duket sikur familja është në shtëpi. Një smartphone me Google Assistant përdoret për të shtuar gjithashtu krem rroje në listën e blerjeve.
Kjo është një reklamë e lançuar pak para Krishtlindjeve dhe qëllimi i saj është të rrisë ndërgjegjësimin për pajisjet Google Home dhe t’i lidhë ato me një kujtim nostalgjik. Janë shumë veçori të paketuara në vetëm 60 sekonda video.
