Nëse mendonit se prilli do të ishte një muaj i qetë, bëhuni gati t’ju vërtetojmë të kundërtën! Muse-X 2026 sapo ka zbuluar listën e artistëve që do të performojnë nga data 17 deri më 19 prill te Piramida e Tiranës, dhe lineup-i është fantastik!
Nga legjendat e muzikës elektronike te ikonat e rock-ut shqiptar dhe emrat më “in” të muzikës urbane, Muse-X po kthehet në ngjarjen që nuk duhet ta humbasësh. Ja çfarë na pret në tri netët e festivalit:
Nata 1: Electronic Night (17 prill)
Nata e parë i dedikohet të apasionuarve pas beats-ave dhe teknologjisë zanore. Muse-X e nis me një shpërthim energjie ku do të ndërthuren tingujt globalë me ata lokalë.
- Main Stage: Do të shihni emra si Brina Knauss (që vjen nga skenat e Tomorrowland), fituesin e Grammy, David Morales, dhe një bashkëpunim unik midis Orkestrës Shqiptare dhe asaj Maqedonase të cilët risjellin ndryshe hitet elektronike. Listës i shtohen edhe Ema Popivoda, Motel Sazani, Peznt B2B Gramophonedzie, DJ Jenn dhe Sildee.
- Underground Stage: Për ata që duan techno-n e pastër, kjo skenë do të jetë “vendi i premtuar” me legjendat Ben Klock dhe Ken Ishii, të shoqëruar nga Fanatek B2B Rea dhe Uzun Brothers.
Nata 2: Pop Night (18 prill)
E shtuna është dita e muzikës pop dhe hip-hop që ka dominuar skenën ballkanike.
Përgatituni për “mbretërit” e hip-hop-it, MC Kresha & Lyrical Son. Skena do të dridhet edhe nga energjia eksplozive e Ronela Hajatit, zëri karakteristik i Sardi Strugës dhe stili unik i Natalie Balmix nga Kroacia.
Pjesë e lineup-it janë edhe Beat Killers, Bleta Pertace, DJ Goce, Fezz dhe Ges Rabo. Dhe mbajeni mend: është paralajmëruar një Special Guest që pritet të jetë surpriza e madhe e mbrëmjes!
Nata 3: Rock Night (19 prill)
Mbyllja e festivalit vjen me një festë të vërtetë për dashamirësit e kitarave dhe vokalit të fuqishëm. Rock Night bashkon brezat në një skenë të vetme.
Nuk mund të mungonin ikonat Elita 5, që pas 30 viteve vijnë me të njëjtën magji. Eugent Bushpepa do të tregojë pse konsiderohet vokali më i mirë në Ballkan, ndërsa Crossbones do të sjellë dozën e duhur të metal-it.
Mbrëmja do të plotësohet nga energjia alternative e grupit Lynx dhe zëri unik i Vedat Ademit, duke e mbyllur Muse-X 2026 në mënyrën më epike të mundshme.
Pse duhet të jesh edhe ti?
Muse-X nuk është thjesht një koncert, është një integrim i artit me inovacionin. Përveç muzikës, gjatë të treja ditëve te Piramida do të gjeni ekspozita teknologjike, konferenca mbi ekonominë kreative dhe një atmosferë që vetëm një festival i përmasave të tilla mund ta krijojë.
Mos prit deri në momentin e fundit! Siguro biletën tënde tani në: muse-x.al
