Peter Thiel ka vendosur të investojë në Enhanced Games, “një version modern i Lojërave Olimpike që nuk ka testim për përdorimin e drogërave“. Gjatë gjithë historisë së saj, asnjë çështje nuk i ka pllakosur më shumë Lojërat Olimpike sesa dopingu; atletët që marrin ilaçe për rritjen e performancës (PED) për të fituar një avantazh konkurrues.
Por një grup njerëzish ka vendosur të krijojnë një kompeticion tjetër – duke lejuar atletët të marrin sa më shumë PED që duan. The Enhanced Games, e njohur ndryshe si Olimpiada e Dopingut, një garë sportive ndërkombëtare në të cilën përdorimi i PED-ve jo vetëm lejohet, por inkurajohet. I propozuar fillimisht në fillim të vitit 2023, koncepti i Enhanced Games erdhi nga një australian i quajtur Aron D’Souza. Ky kompeticion jo vetëm që do të lejojë përdorimin e PED-ve, por edhe përdorimin e teknologjive të ndryshme që ndihmojnë performancën e atletëve, si këpucët e vrapimit të ndaluara aktualisht dhe ‘super-kostumet’ famëkeqe të notit.
Që nga fillimi i tij vitin e kaluar, “Enhanced Games” ka mbledhur një grup mbresëlënës investitorësh, por tashmë gjithçka ndryshon me përfshirjen e miliarderit bashkëthemelues të PayPal, Peter Thiel që njoftoi në fund të janarit se ai gjithashtu do të investonte.
Sipas New York Post, Thiel do të japë më shumë detaje mbi investimin e tij në mes të prillit, ndërsa D’Souza tregoi se shuma ishte “e mjaftueshme për të krijuar lojërat e para“.
“Për t’i mbajtur atletët tanë të sigurt gjatë garave, ne po prezantojmë një protokoll të detyrueshëm të kontrollit mjekësor të plotë para garës, i cili do të ndihmojë në monitorimin e rreziqeve kardiake dhe shënuesve të tjerë shëndetësorë. Duke përqafuar shkencën dhe jo testimin e drogës, atletët që konkurrojnë në Lojërat e Përmirësuara do të jenë në gjendje të përdorin ilaçe dhe terapi të performancës që i ndihmojnë ata të performojnë sa më mirë, në një fushë loje të hapur, të drejtë dhe të ndershme.”
