Aksidenti që i mori jetën dy personave në Texas mund të jetë shkaktuar nga pakujdesia e drejtuesit, i cili mendohet se ka kaluar në krahun e pasagjerit ndërkohë që testonte shërbimin Autopilot të Tesla-s së tij.
Mirëpo përmes një tweet-i Elon Musk shpjegon se të dhënat e para të aksesuara nga kompania tregojnë se kjo makinë nuk e ka pasur të aktivizuar teknologjinë Autopilot driving-assistance.
Your research as a private individual is better than professionals @WSJ!
Data logs recovered so far show Autopilot was not enabled & this car did not purchase FSD.
Moreover, standard Autopilot would require lane lines to turn on, which this street did not have.
— Elon Musk (@elonmusk) April 19, 2021
Ai shtoi gjithashtu se pronari i makinës nuk e ka blerë opsionin “Full Self Driving” për të përmirësuar funksionalitetin e saj. Këto komente kërkojnë t’i përgjigjen pyetjeve të shumta të ngritura nga persona të ndryshëm, pasi makina u përplas me një pemë dhe mori flakë.
Policia lokale deklaroi se në pozicionin e drejtuesit të makinës nuk gjendej asnjë person. Provat tregojnë se njëri prej tyre gjendej në pozicionin e pasagjerit në sediljen e parme dhe tjetri në sediljen e pasme. Pikërisht ky fakt bëri që të dyshohej se sistemi Autopilot ishte ndezur në këtë makinë, mirëpo Tesla e mohon një gjë të tillë. Në momentin që hetimet do të përfundojnë, do të mësojmë më tepër rreth këtij aksidenti.
