Një histori prekëse vjen nga Gjermania, ku Mercedes-Benz ka treguar anën e saj më të ndjeshme duke ndihmuar një qen të aksidentuar të quajtur Bunny. Qeni dyvjeçar u shpëtua në vitin 2023 pas një aksidenti të rëndë, në të cilin humbi këmbët e pasme. Për të përmirësuar cilësinë e jetës së saj, prodhuesi i njohur gjerman i makinave vendosi të ndërhynte në mënyrë krejt të veçantë.
Mercedes-Benz projektoi një karrocë të personalizuar me rrota, posaçërisht për Bunny. Karroca vjen e pajisur me rrota origjinale Mercedes, një rrip sigurie për ta mbajtur të fiksuar dhe një targë të veçantë me mbishkrimin “Bunny’s Benz”. Pamjet e qeni në “mjetin e ri të transportit” janë bërë virale, duke emocionuar mijëra njerëz në rrjet.
Ky gjest i thjeshtë por domethënës thekson se markat e mëdha automobilistike shpesh përfshijnë elementë të dedikuar për miqtë katër-putrosh. Mercedes-Benz, për shembull, vitin e kaluar testoi përmes një shakaje të 1 Prillit një sistem të MBUX që “përkthente” lehjet e qenve për të deshifruar nevojat e tyre – një ide që, megjithëse nisi si lojë, ka potencial real teknologjik.
Nga ana tjetër, Tesla ka futur një funksion të quajtur Dog Mode, i cili lejon vendosjen e temperaturës së brendshme të makinës kur pronari largohet. Sistemi jo vetëm që ruan një temperaturë të rehatshme ambienti për kafshën, por shfaq edhe një mesazh në ekran për kalimtarët: “Mos u shqetësoni! Pronari do të kthehet shpejt. Kondicioneri është ndezur.”
Historia e Bunny-t është një kujtesë se teknologjia dhe dhembshuria mund të bashkohen për të përmirësuar jetën, jo vetëm për njerëzit, por edhe për kafshët që i konsiderojmë pjesë të familjes.
