Gjithçka që Mariah Carey dëshiron për Krishtlindje është të ndajë një video të re me fansat e saj. Mbretëresha e vetëshpallur e Krishtlindjeve, 54 vjeçe, njoftoi të premten se po u dhuron fansave të saj një video të re muzikore që përmban pamje të papara nga turi “Merry Christmas One and All!“.
Në videon e re, e cila titullohet “All I Want for Christmas Is You (Festive Lambs Edition)”, Carey e ka zvogëluar rolin e saj teksa fokusohet tek fansat e saj. “Qingjat” e saj shiheshin si jashtë ambienteve të koncerteve, ashtu edhe në tribuna të veshur me veshje dhe kapele festive. Videoja muzikore thekson gjithashtu ata që ndihmuan në organizimin e turneut, duke përfshirë shokët e grupit të Carey-t, këngëtarët e tjerë, kërcimtarët dhe koreografët. Disa skena i tregojnë ata duke provuar rutinat dhe duke praktikuar instrumentet e tyre në prapaskenë.
Këngëtarja shfaqet gjatë gjithë videos duke udhëhequr kërcimtarët e saj në skenë si gjatë provave ashtu edhe në performancat live, duke bërë ndryshime kostumesh dhe duke xhiruar videon promocionale për turneun. Carey gjithashtu tregon pamje të ndryshme festive gjatë gjithë videos, duke përfshirë një veshje të frymëzuar nga arrëthyesi i bërë posaçërisht për versionin skenik të “All I Want for Christmas Is You“. Binjakët 12-vjeçarë të yllit, Moroccan dhe Monroe, nga marrëdhënia e saj me ish-in Nick Cannon, gjithashtu shfaqen.
Disa personazhe të famshëm gjithashtu bëjnë pjesë në videoklipin e ri muzikor, duke përfshirë Miley Cyrus – e cila u pa duke mbajtur veshur veshët e drerit– dhe Nicole Richie e cila kishte veshur një kapele të Babagjyshit. Mario Lopez është paraqitur gjithashtu.
