Finalja kombëtare e Red Bull Tetris u zhvillua në Tiranë, ku tetë lojtarët më të mirë shqiptarë të renditur nga faza online u përballën live kundër njëri – tjetrit në 3 lojra.
Në skenën e lojës që solli sfidat e veta pasi këtë herë luanin me leva dhe jo nga telefoni ato nuk luftuan vetëm për titullin kampion të Shqipërisë, por edhe për një vend të çmuar në finalen botërore që do të mbahet në Dubai.Në përfundim të garës së fortë, Sonald Zenelaj u shpall kampion kombëtar, duke fituar të drejtën të përfaqësojë Shqipërinë në skenën ndërkombëtare të Red Bull Tetris e cila do zhvillohet nga telefoni me dron në Dubai Frame në datat 11-15 Dhjetor.
Në mbarim të lojës i pyetur nga Geekroom Sonaldi u shpreh: ” Jam shumë i lumtur që fitova dhe nuk mendoj se do përgatitem ndryshe për finalen në Dubai, thjesht do jap më të mirën time.”
8 finalistët e tjerë kanë luajtur për 6 muaj rrjesht duke u vendosur në krye të leaderboardit. Sfida më e madhe për ta ishte ta luanin lojën nga kompjuteri por kjo e bëri akoma dhe më të bukur pasi dhe për vetë kampionin, fitorja ishte një duel i fortë por edhe suprizë.
