Libri komik Superman nga DC do të publikohet muajin e ardhshëm, dhe kësaj here do të vijë me polemika pasi kompania zbuloi se Jon Kent do të nisë një marrëdhënie me Jay Nakamura, një personazh i ri i cili u preantua më herët gjatë këtij viti.
Djali i Superman-it origjinal (Clark Kent) zuri vendin e babait të tij si Superman i rradhës duke filluar që nga Superman: Son of Kal-El që u publikua gjatë këtij viti. “Unë e dija se zëvëndësimi i Clark me një personazh tjetër normal do të ishte një mundësi e humbur.” tha Tom Taylor në një intervistë për IGN. “Mirëpo unë gjithmonë kam thënë se të gjithë kemi nevojë për heronj dhe secili prej nesh duhet ta shohë veten si një hero.”
Personazhi i djalit të Superman duket që është krijuar me një frymë moderne, pasi Jon Kent nuk do të përballet vetëm me super të këqinjtë e zakonshëm, por do të përfshihet dhe në situate aktuale si hapja e zjarrit në shkolla.
Gjithashtu DC nuk do të përpiqet të largojë romancat e famshme të Clark Kent, mirëpo kësaj here Jon Kent do të bëhet një anëtar i komunitetit LGBTQ. Jon dhe Jay pritet të “bëhen të përfshirë në mënyrë romantike” në librin komik që do të prezantohet në 9 nëntor.
