Shoqata Evropiane e Operatorëve, një organ i Komisonit Evropian, ka lajmëruar menjëherë nisjen e hetimeve pas ndërprerjes së energjisë elektrike që preku njëkohësisht 4 shtete të Ballkanit: Bosnjë e Hercegovinë, Malin e Zi, Shqipërinë dhe një pjesë të Kroacisë. Në shtetin e Kosovës dhe Serbi këto probleme nuk ishin të pranishme gjatë periudhës që ky problem u shfaq, rreth orës 12:20 më 21 qershor.
Sigurisht që shkaku kryesor mendohet të jetë mbingarkesa e sistemit elektroenergjitik dhe rritja e konsumit ditor të energjisë elektrike për shkak të temperaturave shumë të larta të këtyre ditëve.
Hetimi nga organi i Komisionit Evropian do të përfshijë të gjitha vendet e këtij rajoni për të zbuluar origjinën e problemit, dhe pse Kroacia dhe Bosnja e Hercegovina tregojnë se nuk kanë vënë re një dëmtim në sistemin e tyre elektrik, gjithashtu dhe ndërprerja nga një person është momentalisht e përjashtuar.
Mediat në Bosnjë & Herzegovinë theksojnë se shkaku për këtë ndërprerje supozohet se është mbingarkesa në interkoneksionin e linjave të transmetimit 400 kV në rajon.
