E diela e fundit e muajit mars do të vijë me ndryshimin e përvitshëm të orës, ku akrepat do të shkojnë një orë para. Ky ndryshim u vendos si ligj për të gjithë shtetet evropiane në 1981 në mënyrë që të shfrytëzohet në maksimum ndriçimi natyral.
Më poshtë do të listohen disa fakte interesante rreth këtij ndryshimi.
- Benjamin Franklin sugjeroi ndryshimin e orës si “tallje” me francezët për përtacinë e tyre. Megjithatë me kalimin e kohës ky vendim u cilësua i zgjuar pasi do të ndihmonte njerzit në të ardhmen të kursenin sadopak para në energji elektrike për ndriçim (dhe pse për kohën e atëhershme rezultoi një kursim të qirinjve prej dylli).
- Lufta e Parë Botërore shërbeu si shtysë për vendosjen me ligj të ndërrimit të orës. Në 1916, Gjermania u bë shteti i parë që e pranoi këtë ndryshim si një përpjekje për të ulur konsumimin e qymyrit gjatë kësaj lufte, dhe më pas Britania dhe shumë shtetet të tjera evropiane e adoptuan këtë ligj.
- Ndërrimi i orës mundet të jetë një shpërdorues energjie në të vërtetë. Në vitin 2008 një studim në Indiana zbuloi se konsumi i energjisë ishte rritur me 1% pas implementimit të këtij ndryshimi. Me sa duket kostot e ngrohjes i tejkalojnë kostot e ndriçimit.
- Ndërrimi i orës është një rrezik për shëndetin gjithashtu. Studime të ndryshme tregojnë se një orëshi i gjumit që ne humbim në pranverë mund të rezultojë në probleme shëndetësore, si përshembull rritja e riskut për infarkte, goditje në tru ose depresion sezonal.
- Por ka disa benefite nga ky ndryshim. Një ndër to është ulja e kriminalitetit, sipas një studimi të publikuar në 2015 që lidhte ardhjen e pranverës me uljen e vjedhjeve.
- Ndërrimi i orës bëhet në 2 të mëngjesit pa arsye, por ideja është që të mos krijojë konfuzion tek personat që nisin punën herët në mëngjes.
- Industria e karameleve ka lobuar për një shtyrjen e ndërrimit të orës, pasi tradicionalisht orari ndryshohej në të dielën e fundit të tetorit që përkonte me natën e Halloween. Sipas një raportimi ata tentuan aq shumë ta ndryshonin këtë datë sa që vendosën karamele të vogla në formë kungulli në karriget e të gjithë personave të pranishëm në senatin e 1985. Në 2007 një ligj e shtyu datën e ndërrimit të orës në të dielën e parë të nëntorit.
