Fytyrat e 3 burrave që kanë jetuar në Egjiptin e Lashtë, 2,797 vite më parë janë rikrijuar duke përdorur të dhënat gjenetike të marra nga mbetjet e tyre të mumifikuara. Kjo është hera e parë që një teknikë e tillë është përdorur në ADN humane të kësaj moshe.
Këto 3 burra vinin nga Abusir el-Meleq, një qytet i lashtë në jug të Cairo, dhe besohet të jenë varrosur rreth viteve 780 para e.s ose 5 pas e.s. ADN e tyre u grumbullua për herë të parë në 2017 nga shkencëtarët në Max Planck Institute for the Science of Human History në Gjermani.
Rikrijimi i fytyrave u bë i mundur falë studiuesve në Parabon NanoLabs, të cilët posedojnë teknologjinë e krijimit të modeleve 3D të fytyrave të mumjeve përmes proçesit të njohur si fenotipizimi i ADN. Kjo teknologji përdor analizën gjenetike për të parashikuar prejardhjen gjenetike, ngjyrën e syve, të flokëve, të lëkurës dhe formën e fytyrës në individët me background etnik.
Rezultatet dolën në këtë mënyrë: një person kishte sy ngjyrë jeshile me saktësi 61%, jeshile ose blu me saktësi 79%, dhe ato ishin të sigurt që personi nuk kishte sy ngjyrë kafe me saktësi 99%.
Kjo teknologji është përdorur gjithashtu në rastet penale ku kriminelët kishin lënë pas ADN e tyre. “Kjo është hera e parë që fenotipizimi i gjithëpërfshirës i ADN është performuar në një human të kësaj moshe” tha Parabon.
