Një grup policësh nga Texas kanë vendosur të padisin Tesla-n pasi një Model X në Autopilot Mode u përplas me to. Ky është shqetësimi më i ri për prodhuesin e makinave në momentin ku ato po bëhen gati të sjellin software-in mjaft të diskutuar të drejtimit automatik të makinës drejt më tepër përdoruesve.
Kjo përplasje ndodhi në datën 27 shkurt të 2021, në Splendora. Sipas padisë, Tesla Model X përplasi disa ofricerë policie ndërkohë që ato gjendeshin në një ndalesë. “Të gjithë policët u dëmtuan rëndë” shkruhet në raportimet e dorëzuara në gjykatë.
Paditësit tregojnë se “dizajni dhe defektet në prodhim të njohura nga Tesla” janë përgjegjëse për këtë aksident, dhe se Tesla nuk dëshiron ta pranojë këtë fakt. Ata besojnë se sistemi Autopilot nuk arriti të regjistronte praninë e makinës së policëve dhe nuk bëri asnjë lëvizje për të shmangur përplasjen.
Në favorin e tyre oficerët e policisë renditën dhe të paktën 12 raste të tjera ku përdorimi i sistemit Autopilot të Tesla ka çuar në aksidente rrugore. Ata kanë vendosur të padisin pronarin e një restoranti lokal, pasi ai i ka shërbyer shumë alkool drejtuesit të automjetit para aksidentit. Ata kërkojnë dëmshpërblim që fillon nga $1 milionë deri në $20 milionë.
