Lajmi i përdorimit të ketaminës për trajtimin e depresionit nga Elon Musk u bë viral vitin e kaluar. Megjithatë, në vitet e fundit, disa anëtarë të bordit në Tesla dhe SpaceX u shqetësuan për sa i përket përdorimit të drograve nga CEO, të cilat mund të kenë pasoja të mëdha për shëndetin e tij dhe për perandorinë e madhe të biznesit që ai kontrollon, sipas një raporti në The Wall Street Journal.
Njerëzit që kanë parë personin më të pasur në botë pohojnë se ai ka provuar LSD, kokainë, ekstazi dhe kërpudha magjike, shpesh në festa private në mbarë botën ku të ftuarit nënshkruajnë marrëveshje ose heqin dorë nga telefonat për të qenë pjesë e festës. Më herët në një podcast të Joe Rogan kemi parë Musk duke tymosur dhe marijuanë.
Sipas raportit, Linda Johnson Rice, një ish-drejtuese në Tesla, u mërzit aq shumë me sjelljen e çrregullt të miliarderit dhe përdorimin e tij të drogës, saqë ajo vendosi të mos kandidojë për rizgjedhje në bordin e prodhuesit të automjeteve elektrike në vitin 2019. Megjithatë, Avokati i zotit Musk, Alex Spiro, tha se ai “është testuar rregullisht dhe rastësisht për përdorimin e drograve në SpaceX dhe kurrë nuk ka dështuar në një test“.
Në një incident tjetër, disa drejtues të SpaceX vunë re një ndryshim në eventin e kompanisë në 2017. Qindra punonjës ishin mbledhur në selinë e kompanisë së raketave në Kaliforni, duke pritur Musk, i cili ishte gati një orë vonesë. Kur ai doli në skenë, ishte pothuajse i pakuptueshëm dhe drejtuesit e eventit thanë se ai mezi lidhte fjalët, madje duke e quajtur prototipin Big Falcon Rocket të SpaceX, ose BFR, “Big F****** Rocket“. Megjithatë, Spiro e quajti incidentin “të rremë siç është konfirmuar nga njerëz të panumërt që ishin të pranishëm“.
Duhet të theksohet se çdo formë e përdorimit të paligjshëm të drogës do të shkelte rregulloret e korporatave si në SpaceX ashtu edhe në Tesla, përveç shkeljes së kontratave federale. Gjithashtu do të hidhte dyshime mbi rolin drejtues të Musk në Tesla, ku bordi ka për detyrë të monitorojë menaxhimin në emër të aksionerëve.
Shumë anëtarë të bordit të Tesla-s i kanë shprehur shqetësimet e tyre njëri-tjetrit për përdorimin e supozuar të drogës nga CEO, por ata nuk kanë bërë asnjë koment që do të përfshihej në procesverbalet e takimit ose në axhendën zyrtare të bordit. Disa drejtorë, si Robyn Denholm, kryetarja aktuale e bordit të Tesla-s, i janë drejtuar Kimbal Musk, anëtar i bordit të Tesla-s dhe SpaceX deri në fillim të vitit 2022, duke kërkuar ndihmë për sjelljen e Musk, pa përdorur fjalën “drogë“, sipas raportit.
