Punët e shtëpisë janë gjithmonë një “dhimbje koke” për të gjithë ne. Mirëpo ekspertët tregojnë se kjo dhimbje koke do të lehtësohet gjatë viteve në vijim falë automatizimit.
Pritet që në vitin 2033 koha që njerëzit shpenzojnë duke bërë punët e shtëpisë të ulet me 39%, sipas një studimi të kryer nga University of Oxford. Blerja e ushqimeve pritet të jetë pjesa më e automatizuar, pasi mendohet se 59% e punës do të kryhet nga algoritmet dhe robotët.
Mirëpo kur vjen puna tek përkujdesja për fëmijët, humanët do të vazhdojnë të kenë përgjegjësinë më të madhe, duke automatizuar vetëm 20% të punëve. Studimet e mëparshme kanë treguar se britanikët shpenzojnë rreth 43% të kohës së tyre duke bërë punët e shtëpisë apo duke u kujdesur për familjarët e tyre.
Një tjetër studim tregonte se gratë bëjnë 70 minuta më tepër punë shtëpie se meshkujt.
Për të kryer këtë studim, studiuesit morën në pyetje 65 ekspertë AI nga Mbretëria e Bashkuar dhe Japonia për të parashikuar potencialin e automatizimit të punëve të përditshme përgjatë 10 viteve të ardhshme.
Edhe larja e rrobave do të bëhet shumë më e lehtë, pasi robotët do të automatizojnë 43% të proçesit të larjes dhe palosjes së tyre.
