Nga butonat deri tek ekranet me prekje u desh goxha rrugë, interaksioni më i fundit me aparatet është ai vokal e duket se po integrohet kudo.
Derisa të krijohet një sistem komunikimi me valë truri do të kënaqemi me alternativa të tjera më realiste.
E tillë është edhe patenta e e Apple e cila parashikon krijimin e një unaze të aftë për të lexuar gjestet dhe të provokojë funksione të caktuara tek aparatet përreth.
Nëpërmjet akselerometrit unaza do të kuptojë gjeste dhe pozicione të paracaktuara, një sesor me prekje do të jetë prezent gjithashtu dhe madje gjestet do të mund të përcaktohen edhe nga vetë përdoruesi.
Në fakt kjo nuk është një patentë e re pasi është regjistruar nga Apple që në 2015 dhe mesa duket kompania nuk ka hequr dorë akoma. Ndryshimet e fundit kanë qënë thjesht rregullime më realiste të cilat përcaktojnë pjesët përbërëse dhe gjuhën e komunikimit.
Ideja e një aparati të tillë pavarsisht sa ekzotike, duket fare mirë e realizueshme, dhe të pafundme janë fushat ku mund të aplikohet, nga smartphone, tek televizori deri edhe tek automjetet.
Por sigurisht do të dojë kohën e saj.
Dhe fakti që një kompani serioze si Apple ndërmerr një detyrë si kjo vetëm na gëzon pasi cilësia është padyshim ndër aspektet më përshkrues të kompanisë.
