Kur bëhet fjalë për artikujt e zakonshëm që përdoren në jetën tonë të përditshme, origjina e tyre zakonisht nuk është shumë e njohur. Shumicën e kohës ne i marrim si të mirëqena këto shpikje, ndërsa qëllimi dhe përdorimi i tyre origjinal mbeten pas. Ndonjëherë, këto objekte kanë fillime befasuese që rrjedhin nga përparimet e reja në teknologji që kthehen në spin-off që ne përdorim për detyrat e përditshme. Në fakt ka shumë nga këto lloj objektesh që kanë origjinën nga teknologjia e NASA-s.
Disa prej këtyre artikujve mund t’ju befasojnë me historinë e tyre, kështu që hidhini një sy disa prej teknologjive të shpikura nga NASA që mund t’i përdorni në jetën tuaj.
Fshesa me korent pa kabëll
NASA nuk ishte shpikësi i mjeteve elektrike pa tela, kjo ishte puna e një kompanie të quajtur Black & Decker në fillim të viteve ’60. Megjithatë, kompania punoi me NASA-n për të testuar krijimin e mjeteve elektrike pa tela që mund të përdoren në hapësirë.
Kamera dixhitale
Megjithëse kamera e parë dixhitale u krijua nga Eastman Kodak, NASA ishte në fakt mendja pas sensorëve të imazhit dixhital.
Këpucë atletike që thithin goditjet
Këpucët atletike ishin një tjetër produkt që u përmirësua përmes teknologjisë së NASA-s. NASA kishte përdorur një proces të njohur si “formimi i gomës me fryrje”, i përdorur fillimisht për të krijuar helmeta që thithin goditjet (nëpërmjet NASA -s).
Sfungjer Memory
Ky material jashtëzakonisht i butë, që thith goditjet, lindi gjithashtu nga teknologjia e NASA-s. Ai u zhvillua për t’u përdorur për sediljet e aeroplanit të NASA-s për të ofruar komoditetin më të mirë si dhe vetitë mbrojtëse.
Mausi i kompjuterit
Mausi i kompjuterit është përdorur gjerësisht për dekada me radhë për të lundruar në kompjuter dhe për të shfletuar internetin. Megjithatë, jo shumë e dinë se nga e ka origjinën në të vërtetë kjo pajisje.
