Volvo e re EX90 e prezantuar gjatë fundit të vitit të kaluar përfaqëson qëndrimin e kompanisë për sa i përket transformimit në një prodhues të makinave tërësisht elektrike duke nisur nga viti 2030.
Volvo e re EX90 Excellence është një makinë speciale e cila është bërë akoma dhe më speciale. Ky model i limituar i prezantuar në Shanghai e çon eksperiencën luksoze të kësaj makine në një nivel tjetër shumë të lartë.
Volvo EX90 Excellence është makina e përsosur nëse ju dëshironi të relaksoheni në sedilejt e pasme në vend që të drejtoni vetë makinën, në mënyrë që të përfitoni pak kohë ekstra gjatë udhëtimeve. EX90 Excellence ju mundëson që ju të udhëtoni me stilin dhe komfortin e klasit të parë kur keni një axhendë shumë të ngarkuar, ose kur pëlqeni të relaksoheni gjatë udhëtimit.
“Me EX90 Excellence, ne shfaqim aftësitë tona për të rinovuar segmentin premium dhe për t’iu përgjigjur kërkesave të tregut.” tha Bjorn Annwall. “Si fillim kjo makinë do të ofrohet në Kinë pasi tregu kinez është tepër i rëndësishëm për kompaninë tonë dhe EX90 Excellence është krijuar për t’iu përshtatur kërkesave për makina luksoze të drejtuara nga një shofer personal.”
Nga pamja e jashtme shumë pak detaje janë përmirësuar, duke e krahasuar me modelin bazë EX90, të cilat i japin makinës një pamje madhështore plot besim. Ju mund të vini re skemën e re të ngjyrave me 2 tone kryesore, ose disqet e veçanta 22” të optimizuara për një performancë aerodinamike më të lartë dhe drejtim më të lehtë.
Në pjesën e brendshme ka ndodhur ndryshimi i vërtetë. Sediljet e pasme të modelit EX90 janë zëvëndësuar me dy ndenjëse individuale, të cilat janë të pajisura me jastëkë të rehatshëm. Midis dy ndjenjëseve gjendet një frigorifer ku ju mund të vendosni shishet e mëdha, duke pasur akses të menjëherëshëm në pijet e freskëta që dëshironi.
Ndërkohë që rrëshqisni dorën në drurin natyral të përfshirë në zonën qendrore, do të gjeni dhe opsionet për kontrollin e komfortit. Nga këtu mund të aktivizoni ngrohjen e sedilejve apo shërbimin e masazhit me 5 nivele të ndryshme. Kristali Orrefor shërben si një çelës për çlirimin e parfumit (deri në 3 fragranca të ndryshme).
Për sa i përket teknologjisë, EX90 Excellence përfiton nga e njejta bazë teknologjike e prezantuar në modelin EX90, pra mjeti juaj nuk do të jetë një makinë e thjeshtë, por një kompjuter me rrota. Sistemi qëndror fuqizohet nga platforma NVIDIA DRIVE me SoC Xavier dhe Orin, si dhe Snapdragon Cockpit Platforms për të menaxhuar konsumin e baterisë si dhe sigurinë e makinës.
Ekrani gjigand 14.5 inç është porta hyrëse drejt një sistemi infotainment tepër intuitiv dhe falë ndërlidhjes 5G instalimi i aplikacioneve në home-screen është më i lehtë se kurrë. Ju mund të dëgjoni këngët tuaja të preferuara përmes sistemit të audios Bowers & Wilkins High Fidelity të pajisur me Dolby Atmos.
Falë 2 motorëve elektrikë dhe AWD (all-wheel drive) EX90 ofron një eksperiencë tepër të qetë drejtimi të makinës deri në 650km (CLTC) me një karikim të vetëm.
