Toyota ka një ide për t’i bërë makinat më miqësore ndaj mjedisit, dhe në këtë plan nuk përfshihen vetëm makinat e reja elektrike. CEO Akio Toyoda tha se kompania ka në plan të përdorë një strategji transformimi nga ku makinat e vjetra do të emëtojnë më pak karbon falë zëvëndësimit të disa pjesëve.
Nipi i themeluesit të kompanisë, Kiichiro Toyoda, tregoi gjatë një eventi ditën e premte se Toyota po planifikon zëvëndësimin e pjesëve të vjetra në makina me teknologji të reja miqësore ndaj mjedisit si motorët elektrikë si një përpjekje për të shtyrë industrinë drejt të ardhmes tërësisht elektrike.
“Unë nuk dua të lë asnjë adhurues të makinave pas,” tha Toyoda në Tokyo Auto Salon. Ky propozim është tepër i rëndësishëm për Toyota, pasi aktualisht gjendet disa hapa pas rivalëve në adoptimin e teknologjisë elektrike në makinat që prodhon.
Kompania është përballur me kritika të shumëta për mungesën e veprimeve që do të ndihmonin tranzicionin drejt makinave elektrike, mirëpo duket se drejtuesit e kompanisë s’janë bindur ende nga kjo ide dhe tregojnë se në SHBA tregu nuk është ende gati për këtë teknologji.
Megjithatë Toyota ka prodhuar shumë makina hibride që përdorin fuqinë elektrike dhe atë të gjeneruar nga lëndët djegëse për të ulur emëtimet e gazeve në mjedis.
