Pronari i një makine Tesla në Kanada ka treguar se nuk po arrin dot të futet brenda makinës së tij $140,000 pasi bateria e makinës përfundoi, dhe kompania i tha se duhet të bënte një ndërrim të baterisë që kushton $26,000.
Mario Zelaya postoi një video në TikTok ku tregon se makinës Model S i përfundoi bateria dhe tashmë ajo është kyçur, duke mos e lejuar të futet brenda sërisht. Në përshkrimin e postimit lexohet: “$26,000 për një bateri të re. Jam kyçur jashtë makinës.”
Mario tregoi se ka kontaktuar me një tjetër përdorues të makinave Tesla i cili ka patur të njejtat probleme me baterinë e makinës. Dhe pse ai shprehu haptazi dëshirën e tij për ta shitur makinën, nuk mundet ta bëjë një gjë të tillë, pasi dokumentat e makinës janë brenda saj.
“Nuk do të blej më kurrë një Tesla tjetër. Ato janë makina të kota, me prodhim skandaloz, dhe gjëja më e keqe është se kjo kompani është vetëm 10 vjeçare.”
Në një tjetër video të publikuar gjatë kësaj jave, Zelaya tregoi se arriti ta shiste makinën, dhe blerësi erdhi dhe e zhvendosi nga oborri i tij.
