Porsche ka vendosur të tërheqë makinën e parë elektrike Taycan për të rregulluar problemin ku disa makina humbasin energjinë gjatë lëvizjes. Prodhuesi i makinave deri më tani ka shitur rreth 43,000 Taycan, mirëpo ata tregojnë se vetëm një numër i vogël i tyre është i prekur nga ky problem.
Përdoruesit e Porsche Taycan do të duhet të sjellin makinën e tyre në një distributor zyrtar për të rregulluar software-in e tyre dhe ky proçes mendohet të zgjasë midis 60 – 90 minutave. Ky rregullim po bëhet dhe në të gjitha makinat e prodhuara që nuk janë shitur ende.
I njejti problem me sa duket ka prekur dhe Audi E-Tron GT, por për fat të mirë tërheqja e makinave është në numër shumë të vogël pasi Audi sapo ka filluar transportimin e tyre.
Pasi përdoruesit e Taycan filluan të shkruanin ankesa drejt NHTSA rreth humbjes së energjisë gjatë drejtimit, agjensia zbuloi se kjo humbje shkaktohej kur bateria klasike 12 volt në formë drejtkëndore që fuqizon aksesorët kur makina nuk është duke u përdorur, shkarkohet plotësisht. Pasi shkarkohet, bateria fik gjithashtu një pjesë të madhe të baterisë 800 voltëshe që fuqizon pjesët kryesore të makinës.
Porsche nuk është makina e parë elektrike që vuan nga këto probleme, pasi dhe Mustang Mach-E pak kohë më parë kishte probleme me ndezjen e makinës.
