Prodhuesi kinez i makinave elektrike Nio filloi shitjet e makinës së tij më të shtrenjtë, pasi kërkon të dyfishojë dërgesat në vitin 2025 dhe përfundimisht të shndërrohet në një biznes fitimprurës.
Prodhuesi 10-vjeçar i automjeteve prezantoi zyrtarisht sedanin elektrik ET9 në ngjarjen e saj të përvitshme në Guangzhou. Me çmimin që nis nga $108,000, ose $90,000 nëse pronari vendos të marrë me qira baterinë, makina luksoze me katër ndenjëse do të konkurrojë drejtpërdrejt serinë Panamera të Porsche dhe serinë luksoze S të Mercedes-Benz. ET9 do të jetë në gjendje të udhëtojë 650 kilometra me një karikim falë baterisë 100 KWh dhe sistemi i tij i shpejtë i karikimit do të sigurojë 225 km distancë në vetëm pesë minuta.
Ai gjithashtu do të jetë i pajisur me sistemin inteligjent të drejtimit të Nio-s, 35 altoparlantë dhe veçori duke përfshirë hapësirën e zgjeruar të këmbëve. Dorëzimi do të fillojë në muajin mars.
Në një ngjarje mediatike në Shangai javën e kaluar, Li tha se ishte i vendosur të dyfishonte shitjet vjetore vitin e ardhshëm në të paktën 440,000 automjete. Përveç një rritje modeste në dërgesat e markave kryesore të Nio, Onvo pritet të arrijë shitje mesatare mujore prej 20,000 njësish, ndërsa Firefly duhet të shtojë “disa mijëra” dërgesa në muaj, tha Li.
Dikur konsideruar si një nga yjet më të ndritshëm në rritje në tregun e automjeteve elektrike të Kinës, Nio nuk i ka arritur objektivat e shitjeve dhe vazhdon të shënojë humbje. Aksionet e saj të tregtuara në SHBA kanë rënë rreth 50% këtë vit, më shumë se homologët Xpeng Inc. dhe Li Auto Inc.
Nio fillimisht kishte planifikuar të lansonte Firefly së pari në Evropë. Marka tani do të hyjë në rajon në vitin 2025, tha Li. Në Kinë, Nio ka ndërtuar një rrjet shumë të gjërë stacionesh ku përdoruesit e makinave mund të ndërrojnë baterinë me pak kW të mbetura për një të re të karikuar plotësisht. Megjithatë kompania hasi probleme në ndërtimin e këtyre stacioneve të shkëmbimit të baterisë në Evropë.
Nio po përballet me pengesa të reja në kontinent. Bashkimi Evropian ka vendosur tarifa deri në 45% për automjetet elektrike nga Kina, të cilat do të qëndrojnë në fuqi për pesë vitet e ardhshme nëse nuk ka një marrëveshje alternative.
