Kur mendon për makinat më të mira padyshim që francezët nuk janë ndër emrat e parë që të vijnë në mendje. Por në vitet 70-80 kur rally ishte sporti me automjete më i ndjekur, francezët mbizotëronin skenën, Citroen, Peugeot dhe Renault kanë pasur momentet e veta të shkëlqimit. Një vend të veçantë ka në zemrën e fansave një përbindësh i vogël i quajtur Renault R5, një hatchback super i suksesshëm, trashëgimia e të cilit ruhet nëpër garazhet e koleksionistave.
Lajmi i radhës padyshim që i ngre qimet përpjetë të gjithë entuziastëve të klasikes dhe modernes njëkohësisht. Renault ka vendosur të sjellë 14modele makinash të reja disa prej tyre plotësisht elektrike, dhe njëra veçanërisht do të jetë rikthimi i Renault 5.
Forma klasike kuboide e vjetër, rrotat e dala jashtë, dhe vijat e forta do të trashëgohen edhe tek ky automjet që pritet të dalë në vitet në vijim.
Numri klasik 5 në ventilimin anësor dhe prapa do të jetë edhe këtu, por detaje të reja si drita dhe doreza që zhduken do të përfshihen.
Përveç disa fotove koncept asgjë nuk është bërë e qartë për detaje më specifike, dhe as data lëshimi.
