Ne Shqiptarët 3 dashuri i kemi të panegociueshme: kombëtaren, fasulen dhe Mercedes-Benz.
Kjo e fundit ka disa nivele: Standart, AMG dhe Brabus që sapo na e ri-rrëmbeu zemrën me këtë prezantim të cilin ta quash të çmendur është pak.
Quhet Brabus 800 XLP Pickup dhe është një G63 me pothuaj 800 kuaj-fuqi. 20 inch më i lartë, një rimorkio më shumë, një skarë të përforcuar sipër, dhe një kofano me fibra karboni me disa të çara për më shumë ajër. Më shumë ajër për të ushqyer turbot e rinj dhe gjigand të cilët motorrit AMG 4.0 bi-turbo i shtojne më shumë se 200 kuaj-fuqi.
Oh, edhe s’dimë a ju thamë se i kanë shtuar edhe një dron, sepse po, i kanë shtuar edhe një DRON!!
Mes shumë përmirësimeve teknologjike, 2020 duhet të vinte për Brabus me një Wingcopter eVTOL; është ky emri i dronit i cili është i projektuar për misione shpëtimi, për të cuar ndihmën e parë apo për të lokalizuar njerëz në rrezik jete në vënde të vështira.
Sepse ku tjetër përpos terrenit me borë apo baltë do e fusje këtë përbindësh me fuqi tërheqëse torque 737 lb-ft?
Sa për çmimin akoma nuk kemi shifra zyrtare por që do kushtojë ca qindarka më tepër sesa një G63 AMG pa Dron kjo është e sigurt.
