Dharmesh Patel është arrestuar tashmë nga policia pasi u shpëtua nga makina e shkatërruar Tesla e cila ra në fund të një humnere tepër të rrezikshme të njohur si Devil’s Slide pranë San Francisco.
Në makinë gjendeshin dhe gruaja e tij (41 vjeç), vajza (7 vjeç) dhe djali (4 vjeç) të cilët arritën t’i mbijetonin rënies prej 91 metrash lartësi. Raportimet e para sugjeruan se Tesla mund të ketë qenë duke u drejtuar në full self-driving mode në momentin e aksidentit, megjithatë policia mendon se ky mund të jetë një “veprim me dashje” nga ana e radiologut 41 vjeçar.
Oficerët e policisë u munduan për 3 orë që të shpëtonin të dëmtuarit, duke nxjerrë si fillim nga makina fëmijët, të cilët për fat të mirë kishin shumë pak dëmtime. Më pas helikopteri transportoi të rriturit, të cilët ishin dëmtuar më tepër nga aksidenti i asaj dite.
“Fëmijët ishin të siguruar mirë në ndëenjëset e tyre, të cilat nuk lëvizën aspak dhe gjatë aksidentit.” tha drejtuesi i ekipit të policisë Brian Pottenger. “Ne mendojmë se ishin pikërisht këto ndenjëse që i shpëtuan jetën fëmijëve.”
Spitali ku Patel punonte deklaroi se ndiheshin të trishtuar nga kjo ngjarje por tepër të lumtur që dëmtimet e marra ishin jo shumë të rënda për një përplasje të këtij niveli.
