Studiuesit nga Southwest Jiaotong University në Kinë kanë kryer disa testime gjatë javës së kaluar në një makinë e cila përdor magnetët për të pluskuar 35mm mbi shinat përçuese.
Për të arritur këtë rezultat studiuesit pajisën makinat me magnetë shumë të fuqishëm në pjesën e poshtme, të cilat bëjnë të mundur qëndrimin pezull mbi shinat përçuese rreth 8 km të gjatë. Në total u testuan 8 makina të ndryshme, nga ku njëra prej makinave arriti shpejtësinë maksimale prej 230km/h.
A #maglev vehicle technology test saw a 2.8-tonne car float 35 millimeters above the road and run on a highway in #Jiangsu, east China. A permanent magnet array was installed for levitation. pic.twitter.com/7vWc8TvJpn
— QinduoXu (@QinduoXu) September 12, 2022
Xinhua tregon se testet u drejtuan nga autoriteti i transportit të qeverisë për të studiuar masat e sigurisë për drejtimin në shpejtësi të larta. Mirëpo Den Zang, një nga profesorët e universitetit që ndihmoi në krijimin e kësaj makine, tregoi për agjencinë shtetërore të lajmeve se përdorimi i kësaj teknologjie në automjetet me pasagjerë ka potencialin për të ulur energjinë e konsumuar dhe të rrisë autonominë e tyre.
Kjo gjë mund të jetë tepër e rëndësishme për t’i dhënë zgjidhje “shqetësimeve” mbi autonominë e makinës, ku përdoruesit kanë frikë se nuk do të arrijnë në destinacion para se të përfundojë bateria.
Megjithatë ka ende shumë punë për t’u bërë në lidhje me sigurinë e këtyre makinave. Për shembull, çfarë do të ndodhë nëse një makinë që udhëton në shpejtësi të larta del nga fusha magnetike, apo shtyhet jashtë saj nga një makinë jo magnetike? Gjithashtu nevojitet një investim i madh nga ana e qeverisë për të ngritur infrastrukturën e këtyre rrugëve.
