Sipas shifrave të publikuara ditën e djeshme nga European Automobile Manufacturers Association (ACEA), Kia ka regjistruar performancën e saj tremujore më të mirë në historinë e saj, ku gjatë Q1 u regjistruan 145,222 njësi, një rritje me 27.6% krahasuar me të njejtën periudhë në 2021. Kjo rritje ka ndikuar dhe në pjesën e tregut evropian të Kia në një 5.3% fenomenal dhe një 5.2% të qëndrueshëm vetëm gjatë marsit.
Suksesi i Kia, pavarësisht tregut në rënie, ilustron përfitimet e bëra që nga ribrandimi i kompanisë gjatë vitit të kalaur dhe tregon se si fokusimi në zgjidhjet e qëndrueshme të lëvizjes po përshtatet me blerësit evropian të makinave. Deri në mbylljen e Q1 2022, regjistrimet e Kia në tregun e BE, EFTA dhe Mbretërisë së Bashkuar është rritur në 145,222 njësi, krahasuar me 113,812 gjatë Q1 2021. Kjo rritje prej 27.6% vit pas viti është tepër favorizues në tregun e përgjithshëm, i cili ra me 10.6%.
Makinat më të shitura të Kia gjatë Q1 ishin ato të familjes Ceed me 24,369 njësi, të ndjekura nga Niro dhe Sportage i ri me 22,897 dhe 22,299 njësi respektivisht. Makinat hibride, plug-in hybrid dhe elektrike janë përgjegjëse për pothuajse 50% të shtijeve totale në Evropë, një përqindje në rritje nga 28.4% gjatë së njejtës periudhë në 2021.
Jason Jeong, presidenti i Kia Europe komentoi: “Viti i kaluar ka qenë një ndër periudhat më të rëndësishme në historinë e Kia. Ne i jemi nënshtruar një proçesoi metamorfoze dhe shifrat e fundit të shitjeve tregojnë se sa pozitivisht ky ndryshim është pritur nga klientët evropianë. Modelet tona ekzistuese të makinave elektrike, së bashku me makinën fituese të shumë çmimeve EV6, kanë shërbyer si një katalizator për fazën e re në rritjen tonë. Ndërkohë që ne fokusohemi në dizajnin e jashtëzakonshëm dhe në të ardhmen e qëndrueshme për të gjithë, ne do të prezantojmë modele të reja EV për të plotësuar një linjë tërësisht elektrike në Evropë deri në vitin 2035, me një total prej 14 BEV deri në 2027.” përfundoi ai.
