Pas analizimit të të dhënave për periudhën janar-qershor 2024, Drejtoria e Përgjithshme e Shërbimit të Transportit Rrugor (DPSHTRR) ka treguar se numri i makinave të regjistruara në Shqipëri është gjithnjë duke u rritur. Duke krahasuar këtë 6 mujor me të njëjtën periudhë para 1 viti, numri i makinave të regjistruara është rritur me 11%.
Tirana është qarku me numrin më të lartë të makinave të regjistruara (35% të të gjitha automjeteve në Shqipëri), me Durrësin që renditet në vendin e dytë me 102,290 makina të regjistruara (14% e totalit).
Numri total i mjeteve në regjistrin kombëtar arriti në 738,299 automjete për këtë periudhë kohore. Nga kjo shifër totale, 541,210 makina kanë moshë mbi 15 vite (me status aktiv ose të çregjistruara përkohësisht). Krahasuar me të njëjtën periudhë para 1 viti, ky numër është rritur me 11%.
Për sa i përket makinave të reja, pra me një moshë 0-4 vite, numri total i tyre është 19,730. Ky numër është rritur ndjeshëm nëse e krahasojmë me 1 vit më parë (33% më i lartë), duke zënë tashmë 2.6% të numrit total të automjeteve në shtetin tonë.
DPSHTRR ka ofruar gjithashtu informacione më të detajuara për automjetet me moshë 5-8 vite si dhe 9-15 vite, ku në grupin e parë bënin pjesë 27,672 automjete (57% më shumë se në vitin 2023), ndërsa në grupin tjetër 139,677 automjete (2% më shumë se në 2023).
Me sa duket ne si popull jemi të apasionuar të vërtetë të makinave, pasi 56.2% e makinave në Shqipëri kanë transmision manual.
