Meta po mundohet të shfrytëzojë një mundësi të re për përfitime në WhatsApp, pasi lançoi programin e saj të parë të fuqizuar nga AI për reklamat e personalizuara për bizneset në WhatsApp. Kjo gjë u bë e ditur përmes një deklarate që kompania bëri të enjten gjatë një konference në Brazil.
CEO Mark Zuckerberg njoftoi mjetet e reja në një video e cila u shfaq gjatë ngjarjes. Ky është një ndryshim i rëndësishëm për WhatsApp, pasi ky shërbim që premton privatësi maksimale dhe ka kohë që i ka shmangur shërbimet për reklamimin e personaluzar që janë prezentë në aplikacionet e tjera të Meta, si Facebook dhe Instagram.
Gjigandi i mediave sociale ka prezantuar shërbimet e kryerjes së tregtisë dhe pagesave në aplikacion prej disa vitesh, duke përfshirë shërbimet “business messaging” që kompanitë mund të përdorin për të kryer biseda për shërbimin ndaj klientit dhe për të dërguar materiale marketingu te njerëzit që kanë ndarë numrat e tyre të telefonit me kompanitë.
Nëpërmjet shërbimeve të mëparshme, kompanitë që kishin numrin e klientëve dërgonin mesazhe në masë për një ofertë të re që kishin, dhe në qoftë se ish-klientët nuk ishin të interesuar.
Nëpërmjet shërbimeve të reja të inteligjencës artificiale këto mesazhe do të jenë më të kufizuara dhe do të shkojnë vetëm drejt klientëve që kanë më shumë interes ndaj ofertave të një kompanie. Për të kuptuar se kush nga klientët është i interesuar, Meta do të mësojë nga sjellja juaj në Facebook dhe Instagram.
Shefi i tregjeve strategjike të WhatsApp, Guilherme Horn tregoi se këto mjete të AI do t’i jepnin biznesit mundësinë për të optimizuar shpërndarjen e reklamave tek përdoruesit që kanë më shumë gjasa të angazhohen. “Kjo është shumë e rëndësishme për biznesin sepse ata po paguajnë për ato mesazhe.”
