Instagram ka prezantuar një përditësim të thjeshtë, por që do të ndryshojë mënyrën e ndërveprimit të përdoruesve me videot e publikuara platformë, pasi ju tashmë do të keni mundësinë për të ndaluar Reels me një prekje të vetme në ekran. Me këtë risi, përdoruesit mund të ndalojnë një video Reel në çdo moment, pa pasur nevojë të mbajnë gishtin mbi ekran apo të rrezikojnë të çaktivizojnë zërin gabimisht.
View on Threads
Sipas shpjegimit zyrtar të platformës, funksioni i ri synon të ofrojë më shumë kontroll dhe më shumë kohë për të shijuar përmbajtjen e preferuar. Pas prekjes për të ndaluar videon, në ekran shfaqet edhe opsioni Mute, duke lejuar çaktivizimin e zërit me një prekje shtesë. Kjo e bën ndërveprimin më intuitiv dhe më pak të bezdisshëm, sidomos në situata kur përdoruesit duan t’i tregojnë dikujt një moment specifik të videos.
Ky përditësim e afron më shumë Instagram-in me TikTok, i cili prej kohësh ofron ndalimin e videove në mënyrë të ngjashme. Kjo risi eliminon nevojën për të mbajtur shtypur videon gjatë gjithë kohës për ta ndalur dhe përmirëson ndjeshëm përvojën e përdorimit, duke e bërë shikimin e Reels më praktik.
