Instagram po prezanton përditësime të reja në Reels – një shërbim që lejon përdoruesit të krijojnë videon e tyre duke u bazuar në atë të dikujt tjetër.
Rezultati i këtij shërbimi: krijimi i shumë më tepër përmbajtjeve që duken të ngjashme midis tyre.
Templates do të ofrojë një format të ri të Reels në të cilin përdoruesit mund të hedhin fotot dhe videot e tyre – një sekuencë prej pesë klipeve 0,7 sekondëshe të vendosura mbi një këngë specifike, për shembull.
Është një mënyrë e thjeshtë për të marrë pjesë në trendet më virale duke shpenzuar kohë minimale për të planifikuar krijimin e një videoje të re, dhe gjithashtu inkurajon shpërndarjen e përmbajtjes në një mënyrë pak më të ndryshme nga videot e tjera .
Përditësimet në Reels Templates po e lehtësojnë akoma më tepër proçesin e kopjimit të videove duke shfaqur tekstin dhe tranzicionet që video origjinale kishte, megjithëse përdoruesit do të jenë në gjendje të personalizojnë elementë të ndryshëm nëse nuk duan që video e tyre të jetë plotësisht e njëjtë.
Instagram po shton gjithashtu më shumë mënyra për të gjetur templates nëse nuk ju pëlqen të krijoni një video origjinale. Një faqe e re do të shfaqë rekomandime për templates nga Instagram, si dhe sekuenca në trend që janë të tepër të përdorura gjatë kohëve të fundit. Çdo template që përdoruesit e kanë ruajtur për më vonë do të shfaqet gjithashtu këtu.
Një shërbim i ngjashëm ekziston edhe në aplikacione të tjera, si përshembull TikTok.
