Kompania e parë e njeriut të dytë më të pasur në botë nuk është e panjohur për këdo që ka bërë veprime monetare online. PayPal, sipërmarrja e parë e Elon Musk, ka shërbyer prej vitesh si një ndërmjetësues mjaft efikas për transaksionet monetare virtuale.
E duke qenë një strument i kësaj fushe, nuk është tamam tamam llogaria që harrohet lehtë nëse e ke aktive apo jo. Por nëse të ndodh të kujtohesh se llogaria jote PayPal ka më shumë se 12 muaj pa aktivitet në të ke kohë deri në 16 dhjetor për ta mbyllur që t’i kursesh vetes një minus prej $15.
Ky operacion bëhet për të filtruar të gjitha llogaritë e vlefshme dhe ato më pak, vendosja e një tarife do të ndërgjegjësojë këdo që e ka një të tillë për ta ripërdorur ose por edhe ca para të mira për vetë kompaninë në rast se mbahet hapur por inaktive. Secili vit inaktiv do të kushtojë $15.
Nëse llogarinë e PayPal nuk e ke lidhur me një llogari bankare asgjë nuk do të ndodhë, në të kundërt ajo të të marrë automatikisht shumën nga llogaria bankare, ose nëse balanca është $15 apo më pak thjesht do ta zerojë.
Ajo që mund të bësh është që t’i kalosh paratë në një vend tjetër ose ta mbyllësh fare logarinë. Kujdes, llogaria nuk mund të mbyllet nëse ke limitime, çështje të pazgjidhura, apo balancë, përndryshe ndiq hapat:
-Zgjidh Settings anash Log Out
-Shko tek Account Options dhe kliko mbi Close Account
-Fut llogarinë bankare nëse nevojitet.
-Kliko Close account
