Duke nisur nga mesi i dhjetorit, shërbimet e komunikimit ndërmjet platformave të Instagram dhe Facebook nuk do të jenë më të përdorshme, sipas një përditësimi të bërë në heshtje në faqen e suportit të Meta.
Pasi shërbimi të ndërpritet, ju nuk do të mund të filloni biseda të reja cross-platform dhe bisedat ekzistuese që keni midis shërbimeve do të kalojnë në një modalitet vetëm për lexim. Është e paqartë saktësisht se kur u përditësuan faqet, por versioni në Instagram e mbajti njoftimin që nga të paktën 21 nëntori.
Një zëdhënës i Metës e ka konfirmuar ndryshimin në një deklaratë të dhënë për The Verge. “Disa vite më parë, ne prezantuam një përvojë të re të Messenger-it në DM-të e Instagram-it, e cila u mundësoi njerëzve të dërgonin mesazhe dhe të telefononin një llogari FB (Messenger) nga një llogari në Instagram dhe anasjelltas,” tha zëdhënësi Alex Dziedzan. “Duke filluar nga mesi i dhjetorit, ne do të fillojmë heqjen e kësaj veçorie. Megjithatë, njerëzit mund të vazhdojnë të dërgojnë mesazhe dhe t’i telefonojnë kontaktet e tyre në Facebook, Instagram ose Messenger.”
Meta nuk dha një arsye specifike për ndërprerjen e shërbimit të mesazheve ndër-platformë, ndërkohë që Akti i Tregjeve Dixhitale të Bashkimit Evropian (DMA) kërkon që aplikacionet e mëdha të mesazheve të jenë të ndërveprueshme me njëri-tjetrin.
Por kishte gjithashtu spekulime se lidhja e shërbimeve të Meta më me njëra-tjetrën do ta bënte më të vështirë një dallim të mundshëm të Facebook, Instagram dhe, përfundimisht, WhatsApp. Nëse kjo gjë do të finalizohej në të gjitha aplikacionet e Meta, nuk do të kishte më aplikacione të veçanta, dhe emrat si WhatsApp apo Instagram thjesht do të funksiononin për të cilësuar ndërfaqjen grafike të tyre.
