Përjetimi i momenteve nga e kaluara jonë mund të duket si një skenë nga seriali i Netfilx Black Mirror, mirëpo kjo teknologji do të lejojë njerëzit të rishikojnë në 3D këto çaste.
Wist po zhvillon një aplikacion për smartphone që do të regjistrojë momentet e paharrueshme dhe më pas do t’i ngarkojë ato në një VR Headset, duke lejuar përdoruesit të rijetojnë këto eksperienca. Programi do të kapë të gjitha informacionet 3D nga video e regjistruar për të shndërruar çdo regjistrim në një format të tillë.
Your memories — how you remember them pic.twitter.com/eRwIK6xYTF
— Wist: Immersive Memories (@WistLabs) February 21, 2023
Aplikacioni VR, i quajtur Vivid, është i pranishëm në iOS në version beta, por ka nevojë të lidhet me një Quest VR Headset për të ofruar këtë eksperiencë. Nëpërmjet këtij aplikacioni përdoruesit do të jenë në gjendje të rikthejnë, të zmadhojnë dhe të shikojnë momente të ndryshme të regjistruara nga jeta e përditshme.
Themeluesi i Wist, Andrew McHugh, tha se një gjë e tillë bëhet e mundur falë sensorëve dhe software-it në smartphone-t modern që kanë aftësi të regjistrojnë 3D. “Kombinimi i duhur i kësaj teknologjie të re mund të na lejojë të regjistrojmë momente të caktuara, të cilat mund t’i ripërjetojmë në të ardhmen.”
Fillimisht përdoruesit duhet të regjistrojnë një video përmes aplikacionit Vivid, i cili grumbullon të gjitha informacionet e nevbojshme për të transformuar pamjet 2D në 3D.
